Samsung nisi programin e parë One UI Watch beta për Galaxy Watch 4 gjatë muajit të kaluar. Deri atëherë, programi ishte i limituar vetëm për testimin e versioneve të reja One UI në smartphone dhe pajisjet e palosshme. Mirëpo One UI 4.5 do të jetë një update tepër i rëndësishëm për Galaxy Watch4, i cili vjen me shumë përmirësime dhe ndërfaqje të reja për orën.
Gjithashtu One UI 4.5 beta ka rregulluar disa probleme të ndryshme për Galaxy Watch 4, si përshembull mosfunksionimi i sistemit UI nëse home button shtypej ndërkohë që ju po rrëshqisnit ekranin në një listë, apo dhe rregullimi i aftësisë për të rikthyer Tile backups. Sensitiviteti i prekjes në ekran dhe konsumi i baterisë janë përmirësuar gjithashtu.
Nëse ju dëshironi të mësoni gjithçka rreth ndryshimeve në One UI 4.5, mjafton të lexoni këtë screenshot të publikuar nga leaker-i i njohur Evan Blass.
Për të instaluar versionin më të ri beta ju duhet të përdorni aplikacionin Galaxy Wearable në smartphone-in tuaj. Hapni aplikacionin, shtypni Galaxy Watch4 > Watch4 Settings > Watch software update. Më pas zgjidhni Download and Install dhe prisni deri sa versioni beta të shkarkohet. Pasi shkarkimi të përfundojë, klikoni Install.
Për fat të keq Samsung nuk pranon më anëtarë në One UI 4.5 beta program, kështu që nëse nuk jeni regjistruar që më parë, do t’ju duhet të prisni për publikimin e versionin zyrtar.
