Brenda pallatit mahnitës mbretëror të dinastisë së Hasburgëve në Vienë, Xiaomi lançoi sot tre produktet e reja flagship të cilat do të prekin tregun evropian nga dita e sotme. Po flasim për Xiaomi 12, Xiaomi Watch S1 & S1 Active dhe Xiaomi Buds 3T Pro. Këto janë të veçantat e tyre.
Për sa i përket smartphone-ve, gjenerata e re e tyre përbëhet nga Xiaomi 12, 12 Pro dhe 12X. Dy pajisjet e para vijnë me proçesorin më të ri nga Qualcomm, Snapdragon 8 Gen 1, ndërkohë që Xiaomi 12X vjen me Snapdragon 870.
Xiaomi 12
Xiaomi 12 është smartphone-i më kompakt i kësaj serie, me një ekran 6.28 inç AMOLED me refresh rate 120Hz të prodhuar nga Samsung. Nën këtë ekran gjendet dhe skanuesi i shenjës së gishtit.
Për sa i përket kamerave, Xiaomi 12 ka të integruar sensorin 50MP të Sony IMX 766 që gjendet gjithashtu në shumë nga flagship-et e vitit 2021. Ishulli i kamerave plotësohet dhe nga dy kamerat e tjera, një ultrawide 13MP dhe një tele-macro 5MP.
Versioni më i vogël në këtë seri ka një bateri me kapacitet 4,500mAh e cila mund të karikohet me karikuese të shpejtë 67W. Xiaomi 12 do të vijë në ngjyrat: Black, Blue, Pink.
Xiaomi 12 Pro
Xiaomi 12 Pro ka një ekran me madhësi 6.73 inç, dhe ndryshe nga Xiaomi 12, ka një kualitet 1440p dhe përdor teknologjinë LTPO 2.0 për ndërrimin e refresh rate nga 1-120Hz në bazë të përmbajtjes që ju shihni.
Ky model përmban në pjesën e pasme 3 kamera 50MP, ku ajo kryesore përdor sensorin Sony IMX 707. Sensori i dytë 50MP është telephoto, ndërkohë që i treti sjell pamjen ultrawide. Xiaomi do të përdorë një algoritëm të ri në këto smartphone për sa i përket night mode në kamera, duke lejuar futjen e më tepër drite në sensor.
Bateria me kapacitet 4,600mAh është ndarë në 2 qeliza, duke mundësuar kështu karikimin e shpejtë 120W me kabëll, dhe deri në 50W wireless.
Xiaomi 12X
Xiaomi 12X është versioni bazë i gjeneratës së 12 të smartphoneve. Ai përdor të njejtin ekran 6.28 inç dhe të njejtin kapacitet baterie të Xiaomi 12. Ndryshimi kryesor mes dy pajisjeve qëndron në proçesorin e përdorur. Versioni 12X përdor proçesorin Snapdragon 870 në vend të Snapdragon 8 Gen 1.
Xiaomi 12X vjen në të njejtat ngjyra si Xiaomi 12: Black, Blue, Pink.
Xiaomi Watch S1 dhe S1 Active
Këto dy ora smart janë pjesë e gjeneratës së re të cilat përdorin sistemin operativ të krijuar nga vetë kompania, i cili ofron një eksperiencë mjaft të shpejtë. Që të dyja pajisjet vijnë me një ekran 1.4 inç OLED dhe bateri me kapacitet 470mAh, e cila zgjat më tepër se rivalët e saj. Ndër të tjera, në to janë të përfshirë dhe sensorët për monitorimin e rrahjeve të zemrës, monitorimin e nivelit të oksigjenit në gjak dhe sensorin gjeomagnetik.
Xaiomi Watch S1 vjen me një trup çeliku dhe përfshin në paketim një rrip të rehatshëm lëkure dhe një rrip prej silikoni për rastet kur e përdorni orën smart gjatë aktiviteteve fizike. Ai mund të përfitojë gjithashtu nga teknologjia e karikimit wireless.
Nga ana tjetër Xiaomi Watch S1 Active vjen me një trup plastik dhe mund të karikohet përmes karikueses magnetike që përfshihet në kuti.
Xiaomi Buds 3T Pro
Xiaomi Buds 3T Pro vijnë me një dizajn mjaft të lehtë dhe të rehatshëm për t’u mbajtur. Ju nuk keni pse të shqetësoheni kur përdorni këto kufje gjatë aktiviteteve fizike, pasi ato janë rezistente ndaj djersës me një çertifikim IPX55.
Xiaomi Buds 3T Pro vijnë me Active Noise Cancellation në 4 shkallë të ndryshme, duke reduktuar kështu zhurmat që gjenden rreth jush, dhe me shërbimin Transparent (lejon të komunikoni me një person pa patur nevojën për të hequr kufjet).
Jetëgjatësia e baterisë në këto kufje është mjaft e mirë, pasi ju mund t’i përdorni kufjet për 6 orë me një karikim të vetëm pa përdorur shërbimin ANC. Përmes kutisë së karikimit ju mund të siguroni 24 orë të tjera përdorimi, ndërkohë që vetë kutia suporton karikimin wireless.
