Peter Ternstrom ishte vetëm 8 vjeç kur ideja për të krijuar një makinë fluturuese i erdhi ndër mend ndërkohë që lexonte librin fantashkencor Valerian. Disa dekada më vonë Ternstrom ka arritur të krijojë një mjet fluturues të tijin të quajtur Jetson One, dhe shpreson që ky mjet fluturues të jetë i denjë për Galaxity, kryeqytetin e Tokës në librin komik Valerian.
Jetson Aero është një kompani e krijuar në bashkëpunim nga Ternstrom dhe miku i tij Tomasz Patan. Ternstrom pranon se dizajnet e para të Jetson One ishin jo elegante, ose siç shprehet ai “si një shkallë fluturuese alumini me një sendile sportive mbi të.”
Mirëpo dy miqtë e nënvlerësuan disi projektin e tyre pasi nuk morën parasysh ligjin e fizikës që tregon se nëse ju krijoni një gjë 2-fish më të madhe, ai bëhet 4 herë më i rëndë. “Ne kishim shumë probleme kur vinte puna në përshtatjen e motorrit të duhur me helikat e duhura, informacionin rreth tyre, gjerësinë e kabujve e shumë të tjera” shpjegoi ai.
Atyre iu deshën rreth 4 vite për të zgjidhur të gjitha problemet teknike dhe lançuan prototipin e tyre Jetson One në tetor të 2021. Jetson One tërësisht elektrik peshon 86 kg dhe ka një kohë fluturimi prej 20 minutash në një karikim të vetëm.
Kjo makinë fluturuese është gati për t’u testuar gjatë VivaTech 2022, ku Geek Room dhe Vodafone do të jenë të pranishëm për t’ju informuar me të rejat më të fundit nga teknologjia.
