Reuters raporton se një profesor japonez ka zhvilluar një ekran televizori prototip që mund të imitojë shijet e ushqimeve të ndryshme.
I ashtuquajturi Taste-the-TV, funksionon duke hedhur shije mbi një shtresë higjenike e cila rrotullohet në ekran për ta shijuar. Profesor Homei Miyashita i Meji University, tregoi se kjo pajisje mund të përdoret për të trajnuar kuzhinierët ose somelierët nga shtëpia. Nëse kjo pajisje publikohet, atëherë ajo do të ketë një çmim prej $875.
“Qëllimi është që të bëjmë të mundur për njerëzit eksperiencën e ngrënies së diçkaje në një restorant nga ana tjetër e botës ndërkohë që qëndrojmë në shtëpi.” tregoi Miyashita. Aktualisht ai është në diskutim e sipër me prodhuesit për aplikime të ndryshme të teknologjisë.
? ‘Taste the TV’: A Japanese professor has developed a prototype lickable TV screen that can imitate food flavors https://t.co/JWVhiU94z1 pic.twitter.com/ZgxmfTf1Xn
— Reuters (@Reuters) December 23, 2021
Në kohën kur COVID-19 rrezikon popullatën, kjo teknologji mund të përmirësojë mënyrën për t’u lidhur me botën e jashtme. Mirëpo në Twitter njerëzit shprehën se a do të ishte mirë që në mes të një pandemie globale të lançohej Taste-the-TV. “Gjatë kësaj pandemie?” shkruajti një nga komentuesit.
Në të shkuarën, Miyashita dhe studentët e tij prodhuan një numër të ndryshëm pajisjesh që lidheshin me shijen, duke përfshirë këtu dhe një pirun që rrit shijen e ushqimit.
Një nga gazetarët tregoi se kishte dëshirë ta provonte këtë makineri, dhe makineria spërkati shtresën higjenike me shijen e çokollatës së ëmbël. Gazetari që e provoi këtë shije tregoi se shija ishte shumë e ngjashme me atë të çokollatës.
