Organizata jofitimprurëse Girls Who Code ka si qëllim të tërheqë më tepër vajzat dhe gratë në botën e shkencave kompjuterike, dhe për të arritur qëllimin e tyre ato kanë bashkëpunuar me këngëtaren e famshme Doja Cat. Kjo organizatë e ka transformuar videoklipin e këngës Woman në një eksperiencë interaktive, duke e quajtur atë videoklipin e parë në botë të kodueshëm.
HUGE NEWS: We just made the first ever codable music video with @dojacat. You can control the story using code ? Go try it now at https://t.co/EgVStNr5om! #dojacode pic.twitter.com/q2MQhMDd0s
— Girls Who Code (@GirlsWhoCode) December 3, 2021
Ju mund ta provoni këtë eksperiencë në website-in Dojacode.com, ku do të përshëndeteni nga një pamje futuristike e Doja Cat. Në faqjen tjetër ju do të shikoni 3 yje, të cilët përfaqësojnë 3 gjuhët e ndryshme të programimit- e verdha për CSS, bluja për Javascript dhe roza për Python.
Sapo ju klikoni në videoklip, eksperienca fillon. Gjithçka zhvillohet njësoj si në videon origjinale të Doja Cat, vetëm se juve ju duhet të merrni vendimet. Kur video ndalon, ju duhet të plotësoni vendet bosh pranë rreshtave të kodimit. Për shembull, në ndalesën e parë ju mund të ndryshoni ngjyrën e thonjve të Doja Cat duke përdorur CSS.
Në një rast tjetër, nëse ju ndryshoni emrin e qytetit bashkë me të do të ndryshojë dhe ora e ditës në video në mënyrë që t’i përshtatet orës reale në këtë qytet.
Në fund të eksperiencës suaj, juve do t’ju paraqiten disa screenshots të gjithë zonave sipas kodimit tuaj, të cilat mund t’i shkarkoni ose t’i shpërndani në rrjetet sociale.
