Pothuajse një vit pasi copëzat e mbetura të raketave kineze u gjetën në oqeanin Indian, një tjetër raketë kineze jashtë kontrollit do të përplaset në Tokë, ose të paktën copëzat e mbetura të saj.
Ekspertët janë të shqetësuar pasi mendojnë se një pjesë e raketës 21 tonëshe Long March 5B, e cila u lançua drejt hapësirës ditën e diel, mund të mos digjet tërësisht ndërkohë që futet në atmosferën e Tokës. Më pas ajo do të përplasej në një vend të pacaktuar të planetit me një shpejtësi të madhe.
Dhe pse shancet që mbetjet e raketës të godasin zonat e qytetëruara janë shumë të ulta, shumë ekspertë mendojnë se Kina po ndërmerr një rrezik të panevojshëm. Brenda kësaj rakete gjendej një laborator i fuqizuar nga energjia e diellit, moduli i eksperimenteve Wentian, i cili do t’i shtohej Stacionit Hapësinor Tiangong të Kinës.
Pjesa e parë e raketës u la pas gjatë lançimit dhe do të vazhdojë të rrotullohet përreth Tokës përgjatë ditëve në vazhdim deri sa të rikthehet në sipërfaqje. Ekspertët tregojnë se rruga e fluturimit është e vështirë për t’u parashikuar pasi do të ketë luhatje në atmosferë të shkaktuara nga ndryshimet në aktivitetin diellor.
