Një lloj i ri plastike miqësore me mjedisin është krijuar nga një ingredient krejt ndryshe nga më parë, nga sperma e salmonit. Një ekip shkencëtarësh nga Kina kanë ekstraktuar ADN nga testikujt e peshqve dhe e kanë kombinuar atë me një vaj vegjetal për të krijuar një substancë të butë të njohur si hydrogel.
Kësaj substance më pas mund t’i jepet forma e dëshiruar. Plastika natyrore mund të riciklohet dhe duke e zhytur nën ujë, gjë që e rikthen sërisht në hydrogel. Në këtë mënyrë plastika mund të riciklohet dhe të shndërrohet në një formë krejtësisht të re.
“Plastika luan një rol tepër të rëndësishëm në jetën tonë të përditshme dhe prodhimi i një plastike të riciklueshme është shumë e vështirë dhe sfiduese.” thanë shkencëtarët.
“Për të lehtësuar disi këtë dilemë, një opsion është zhvillimi i një bioplastike të re që është miqësore me mjedisin. Ne kemi krijuar një bioplastikë të tillë duke përdorur ADN natyrale të marrë nga sperma e salmonit, e cila më pas është miksuar me një kimikat që gjendet në vajin vegjetal.”
Më pas xheli i krijuar ngrihet, duke marrë një formë më solide. I gjithë proçesi, nga fillimi deri në fund, prodhon më pak se 5% të karbonit që emëtohet gjatë prodhimit të plastikës tradicionale, dhe më e mira është se ky inovacion është tërësisht i riciklueshëm.
