Ditën e sotme NASA ka publikuar një listë me objektet qiellore që do të vëzhgohen nga teleskopi James Webb, i cili më pas do të gjenerojë imazhet e para me ngjyra. Në listën e këtyre objekteve përfshihen galaksi të ndryshme, nebula dhe planete gjigandë jashtë sistemit tonë diellor.
Me një pasqyrë të veshur me ar më tepër se 6 metra të gjatë, teleskopi pritet të transformojë fushën e astrofizikës duke kapur dritë nga yjet dhe galaksitë e para që u formuan pas Big Bang-ut. Gjithashtu teleskopi është dizenjuar për të studiuar objekte të ndryshme në universin tonë, duke na dhënë më tepër të dhëna rreth hapësirës jashtë sistemit tonë diellor.
Për të gjeneruar imazhete saj të para, JWST ka mbikëqyrur listën e këtyre objekteve qiellore për 120 orë. Administratori i NASA, Bill Nelson, tregoi se njëra prej imazheve është “më e thella e universit që është gjeneruar ndonjëherë.”
Lista e objekteve të përcaktuara për t’u vëzhguar nga JWST u zgjodh nga një ekip ndërkombëtar njerëzish nga NASA, European Space Agency, Canadian Space Agency dhe Space Telescope Science Institute.
Në listë përfshihen: Carina Nebula, WASP-96 b (spectrum), Southern Ring Nebula, Stephan’s Quintet, SMACS 0723.
Pritet që NASA t’i publikojë këto imazhe në datën 12 korrik rreth orës 16:30.
