Kryeqyteti i Japonisë, Tokio, është zbukuruar tërësisht për të festuar shpirtin e Lojërave Olimpike 2020. Dhe pse këto ishin Lojërat e para Olimpike që u organizuan pa asnjë spektator, Tokio arriti të shkëlqente nga hapësira.
NASA publikoi së fundmi një foto të shkrepur nga astronauti Shane Kimbrough në International Space Station (ISS) ku shpalosej kryeqyteti me të gjithë madhështinë e tij. “Lojërat Olimpike ndriçojnë natën” shkruhet në postimin e NASA-s.
Kjo fotografi u bë menjëherë virale dhe ka arritur më tepër se 700,000 likes dhe 2,000 komente brenda një dite. Një përdorues kurioz pyeti NASA se sa larg nga Toka kjo fotografi ishte shkrepur, dhe adresa zyrtare u përgjigj menjëherë duke shkruajtur: International Space Station vjen përreth Tokës në një lartësi mesatare prej afërsisht 400 kiliometrash.
Një tjetër përdorues pyeti “cili është sporti i preferuar i NASA?”. Më vonë NASA komentoi: “Ne na pëlqen një ecje e mirë në hapësirë. Astronautët e NASA shpenzojnë rreth 1,500-2,500 kalori midis kohës përgatitore dhe ecjes prej 6,5 orësh në hapësirë, prandaj ata marrin gjithmonë një medalje nga ne.”
