Përpjekjet për të rivendosur kontaktin me Voyager 2 të NASA-s janë më pranë se kurrë pasi agjencia hapësinore zbuloi një sinjal “rrahje zemre” nga anija kozimke e largët.
Kontrolluesit e misionit ndaluan së dëgjuari nga Voyager 2 më shumë se një javë më parë pasi dërguan një komandë të gabuar që e anonte antenën e saj dy gradë larg nga Toka. Ndryshimi i vogël në orientim ishte i mjaftueshëm për të ndaluar të gjithë kontaktin me këtë objekt në hapësirë. Sinjali nga Voyager 2, i cili tani është më shumë se 19.3 miliardë km larg nga Toka, u zbulua gjatë një skanimi rutinë të qiellit, tha NASA, dhe konfirmon se anija kozmike është ende duke transmetuar sinjale dhe me “shëndet të mirë”.
Voyager 2 është një nga një nga 2 anijet kozmike që u lançuan në vitin 1977 për të regjistruar imazhe të Jupiterit dhe Saturnit, por vazhdoi një udhëtim në hapësirën ndëryjore për t’u shndërruar ndër objektet më të largëta nga Toka të krijuara nga njeriu. “Ne kërkuam ndihmën e grupeve [Deep Space Network] dhe Radio Science për të parë nëse mund të dëgjonim një sinjal nga Voyager 2,” tha Suzanne Dodd, menaxherja e projektit të Voyager të martën. “Pra, ne e dimë se anija kozmike është ‘e gjallë‘ dhe funksionon. Kjo na qetëson disi.”
Voyager 1 është ende në kontakt me Tokën dhe gati 24 miliardë km larg. Në vitin 2012, ajo u bë anija e parë kozmike që hyri në hapësirën ndëryjore dhe tani është anija kozmike më e largët e ndërtuar ndonjëherë. Voyager 2 pluskon në hapësirë prej vitesh dhe në vitin 2018 zbuloi një hënë të re rreth Jupiterit, 10 hëna rreth Uranit dhe pesë rreth Neptunit. Mbetet e vetmja anije kozmike që studion të katër planetët gjigantë të sistemit diellor nga një distancë e afërt. Ndërsa sinjali e ka siguruar NASA-n se anija kozmike është ende duke punuar, ajo ende nuk po i përgjigjet komandave të reja. Shpresa tjetër për të bërë kontakt me anijen kozmike do të vijë këtë javë kur antena Canberra, pjesë e rrjetit të thellë hapësinor të NASA-s, të dërgojë komandën e duhur në drejtim të Voyager 2 me shpresën për të arritur antenën e saj, sipas Jet Propulsion Laboratory, Kaliforni.
