Marketingu është shtyllë e fortë e biznesit. Microsoft zgjedh që në këtë pikë të ruajë një traditë të përhershme të krahasimit të produkteve të veta me ato të Apple. Kësaj radhe e ka kapur me Touch Bar-in e MacBook Pro.
Në një reklamë publikuar gjatë kampionatit të basketbollit të NFL, ajo ka vënë një djalë të vogël me dy laptopë përballë, MacBook Pro dhe Surface Pro 7. “Pse vetëm një shirit të vetëm me prekje kur mund të më japësh një ekran të tërë?” thotë protagonisti i videos. Dhe ka të drejtë, shumë përdorues e kanë kërkuar ekranin me prekje prej kohësh, shiritin nuk e duan edhe aq, e mesa duket sipas raportimeve gjenerata e radhës do ta zëvendësojë atë me butona fizikë.
Diku në video djali thotë se Surface Pro është laptop më i mirë për gaming. Epo le të themi që kjo nuk është aq e vërtetë pasi me kartën grafike të integrual të Intel, Surface nuk arrin të ngrejë shumë tituj të zakonshëm jo më të kategorizohet si laptop për video lojra. Ai është një aparat shumë i mirë, sidomos për çmimin që vjen, por të mos e kalojmë modestinë.
