Microsoft publikon versionin e parë beta të Windows 11

Microsoft ka publikuar versionin e parë beta të Windows 11 për të gjithë personat e regjistruar në Windows Insider Program. Deri më sot, aksesi në Windows 11 arrihej përmes Dev preview, për të cilin Microsoft tha se është “për përdoruesit shumë teknikë”.

Versioni beta i publikuar është më i qëndrueshëm, me builds të validuara nga Microsoft. Sigurisht që për të instaluar versionin beta ju duhet një kompjuter me hardware të caktuar. Gjatë kohëve të fundit ka qenë shumë e vështirë për përdoruesit që të kuptojnë nëse hardware tyre aktual do të suportojë versionin e ri të Windows, mirëpo tani ju mund të klikoni në faqjen e system requirements.

Ky version beta është një lajm tepër i mirë për të gjithë personat që nuk duan të eksperimentojnë me versionin Dev të Windows 11 me shumë probleme. Për t’u regjistruar në Beta channel nga versioni Dev, shkoni në Settings > Windows Update > Windows Insider Program, më pas klikoni në Choose your Insider Settings.

Për të gjithë personat që janë ende në Windows 10 dhe dëshirojnë të regjistrohen për të përfituar versionin beta, mjafton të regjistroheni në programin beta të Windows këtu.