Microsoft vazhdon të bëjë përpjekje për të marrë aprovimin përfundimtar nga rregullatorët evropianë për blerjen e Activision Blizzard. Sipas marrëveshjes së arritur pothuajse një vit më parë për shifrën $68.7 miliardë, Microsoft do të fitojë pronësinë e publikuesit të video-lojrave, sigurisht nëse rregullatorët nuk do ta pengojnë një marrëveshje të tillë.
Para se marrëveshja të përfundojë, Microsoft duhet të marrë aprovimin nga komisone të ndryshme globale, duke siguruar kështu se nuk do të ketë probleme me mocione mosbesimi nga bashkimi i dy ndër kompanive më të mëdha në industri.
Komisioni Evropian akoma nuk e ka aprovuar ende marrëveshjen, madje ka nisur investigimin për këtë çështje. Vendimi duhet të publikohet deri në datën 11 prill të vitit të ardhshëm.
Kryefjala e këtyre problemeve është Call of Duty. Prej kohësh Sony ka kërkuar nga rregullatorët që ta pezullojnë marrëveshjen e arritur mes Activision dhe Microsoft pasi loja Call of Duty do të kthehej në një shërbim ekskluziv për Xbox, duke dëmtuar tregun e PlayStation.
Reuters ka raportuar se Microsoft është e gatshme që të bëjë disa kompromise për të marrë aprovimin global, duke i ofruar Sony-t një liçensë 10 vjeçare – që do të sigurojë praninë e Call of Duty në PlayStation për të paktën 10 vitet në vijim.
