Meta ka njoftuar një linjë të re syzesh inteligjente në bashkëpunim me Oakley, duke nisur me modelin ekskluziv Oakley Meta HSTN, që kushton $499 dhe mund të porositet që nga 11 korriku. Modelet e tjera të Oakley me teknologjinë e Meta do të jenë të disponueshme më vonë gjatë verës, duke filluar nga $399.
Këto syze funksionojnë ngjashëm me Meta Ray-Ban, me një kamerë frontale 3K, altoparlantë të hapur dhe mikrofona të integruar në skelet. Pasi lidhen me telefonin, mund të përdoren për të dëgjuar muzikë, të bëjnë telefonata apo të ndërveprojnë me Meta AI, i cili ofron ndihmë vizuale në kohë reale apo përkthim gjuhësh, bazuar në atë që përdoruesi sheh dhe dëgjon.
Duke pasur dizajn sportiv Oakley, Meta i ka orientuar këto syze drejt atletëve dhe përdoruesve aktivë. Ato kanë rezistencë ndaj ujit IPX4, autonomi 8 orë, dhe një kasetë karikimi që ofron deri në 48 orë përdorim.
Syzet vijnë në 5 kombinime skeletesh dhe lentesh, me opsione për xhama me numër. Ngjyrat përfshijnë gri të ngrohtë, të zezë, brown smoke dhe transparente, me lente që përfshijnë edhe transitions. Modeli prej 499 dollarësh përmban detaje të arta dhe lente PRIZM.
Ato do të shiten në SHBA, Kanada, MB, Francë, Gjermani, Australi dhe vende të tjera evropiane.
Meta ka nënshkruar një marrëveshje shumëvjeçare me EssilorLuxottica, kompania mëmë e Oakley dhe Ray-Ban. Janë shitur mbi 2 milionë syze Meta Ray-Ban, dhe synimi është që deri në vitin 2026 të shiten 10 milionë syze inteligjente Meta në vit.
“Ky është hapi ynë i parë në kategorinë e performancës,” tha Alex Himel, kreu i divizionit të syzeve në Meta.
