Sipas një raportimi të ri nga Bloomberg, Meta po planifikon të dizenjojë harduerin dhe softuerin për robotët humanoidë. Burimet thonë për median se një ekip i sapoformuar brenda divizionit të Reality Labs të Meta do të fillojë duke punuar në “hardëare për robot humanoid” të aftë për të kryer punët e shtëpisë.
Bloomberg vë në dukje se Meta ka synime më të gjera për të krijuar “inteligjencën artificiale, sensorë dhe softuer për robotët që do të prodhohen dhe shiten nga një sërë kompanish”. Kjo do të thotë se kompania mund të mos krijojë një robot të markës Meta. Momentalisht është në diskutime me kompanitë robotike si Unitree Robotics dhe Figure AI për planet e saj.
“Teknologjitë kryesore në të cilat kemi investuar dhe ndërtuar tashmë në Reality Labs dhe AI janë plotësuese për zhvillimin e avancimeve të nevojshme për robotikë,” shkroi Andrew Bosworth, shefi i teknologjisë i Meta. “Ne besojmë se zgjerimi i portofolit tonë për të investuar në këtë fushë do të grumbullojë përfitime për Meta AI dhe programet tona të realitetit të përzier dhe të shtuar.”
Tesla tashmë ka shfaqur robotët e saj humanoidë, ndërsa gjigantë të tjerë të teknologjisë kanë filluar të zhyten në industrinë e robotikës. Studimi i fundit i kryer nga Apple na dha një paraqitje të shkurtër të një llambe të stilit Pixar që ndërvepron me përdoruesit përmes komandave zanore dhe gjesteve. Analisti i Apple, Ming-Chi Kuo tha se kompania po eksploron “robotët humanoidë dhe jo-humanoidë për ekosistemin e saj të ardhshëm të shtëpisë inteligjente“. Nvidia gjithashtu ka ambicie të mëdha për të ardhmen e robotikës.
Ekipi i ri i robotikës i Metës do të udhëhiqet nga Marc Whitten, ish-CEO i eksperimentit Cruise të robotëve tashmë të braktisur të GM. Whitten gjithashtu shërbeu si drejtues në Microsoft, Sonos, Unity dhe Amazon.
