Laboratorët e kërkimit AI të Meta kanë krijuar një chatbot të ri dhe kanë vendosur të lejojnë publikun të flasin me këtë sistem në mënyrë që të grumbullojnë reagime mbi aftësitë e tij.
Ky bot quhet BlenderBot 3 dhe mund të aksesohet nga web-i (megjithatë duket se vetëm rezidentët në SHBA mund ta aksesojnë). BlenderBot 3 është në gjendje të përfshihet në një bisedë normale me njerëzit sipas Meta, mirëpo mund t’i përgjigjet dhe pyetjeve që ju i bëni asistentëve dixhitalë, që nga gjetja e “recetave me ushqime të shëndetshme e deri në gjetjen e emrave për fëmijë.”
Ky bot është një prototip i ndërtuar mbi punën e mëparshme të Meta me ato që njihen si Large language models apo LLMS. Njësoj si LLMS, BlenderBot është trajnuar mbi tekste të shumta, të cilat më pas kërkohen për të zbuluar struktura statistike për të gjeneruar gjuhën e folur. Këto sisteme kanë provuar të jenë mjaft fleksibël dhe janë përdorur në disa drejtime të ndryshme, si për gjenerimin e kodeve për programuesit apo për ndihmimin e autorëve të shkruajnë bestseller-in e ardhshëm të tyre.
Duke publikuar chatbot për publikun, Meta kërkon të grumbullojë të dhëna mbi problemet që shfaqen me modele të mëdha të gjuhës. Përdoruesit që bisedojnë me BlenderBot do të jenë në gjendje të raportojnë përgjigjet e dyshimta nga sistemi, dhe Meta tregon se ka punuar shumë për të minimizuar gjuhën vulgare të bot-it, sharjet apo komentet kulturale.
