Meta sapo ka lançuar një plan të ri abonimi për të gjithë personat e interesuar në realitetin virtual që kushton $7.99 në muaj, si pjesë e një plani për të shtuar përfitimet në këtë sektor. Gjatë 3 muajve të parë të këtij viti, Meta deklaroi një humbje prej $4 miliardësh në sektorin VR.
Kompania tregoi se personat e abonuar në shërbimin Meta Quest+ do të fitojnë akses në dy lojra VR çdo muaj. Ekziston dhe një tjetër mundësi pagese për personat që dëshirojnë të abonohen në një plan 1 vjeçar, i cili do të kushtojë $59.99 në vit, dhe mund të aksesohet përmes pajisjeve Quest 2, Quest Pro dhe Quest 3 që do të publikohen së shpejti.
Në vitin 2021, shefi ekzekutiv i Meta, Mark Zuckerberg, zbuloi planet për të krijuar “metaverse” – një botë virtuale ku njerëzit mund të luajnë lojëra, të punojnë dhe të komunikojnë në një mjedis virtual, shpesh duke përdorur VR headsets.
Dhe pse kaloi një periudhë shumë të vështirë, në shkurt të vitit të kaluar Meta zbuloi disa projekte ambicioze të inteligjencës artificiale dhe Zuckerberg e përshkroi AI si “çelësin për zhbllokimin e metaverse“.
Kompania raportoi një fitim prej 5.7 miliardë dollarësh për tre muajt e parë të këtij viti midis të gjithë produkteve, duke tejkaluar pritjet e tregut, por divizioni i saj Reality Labs, i cili prodhon VR headsets dhe produkte të tjera, raportoi një humbje neto prej $4 miliardë për këtë periudhë.
Në fillim të këtij muaji, Apple prezantoi kufjet e saj Vision Pro. Ky headset nga Apple do të dalë në treg në fillim të vitit të ardhshëm në SHBA dhe do të kushtojnë $3,499. Kjo është një shifër shumë më e madhe se VR headset të tjera të disponueshme në treg. VR headset të Meta kanë një çmim midis $299,99 dhe $999,99.
