Produkti i shumëpërfolur i Apple, AirTags, mund të prezantohet ne mars sipas të dhënave të fundit.
Informacionet vijnë nga Jon Prosser, i cili pak kohë më parë tha në Twitter se AirTags pritet të prezantohet në mars i shoqëruar me një iPad Pro të ri.
AirTags do të jetë rival direkt i Samsung SmartTag dhe Tile item trackers. Përdoruesit mund ta vendosin atë në një objekt dhe mund ta lokalizojnë atë nëpërmjet aplikacionit Find My në iPhone, iPad dhe Mac.
Për sa i përket iPad Pro, informacionet e tanishme shpjegojnë se ky produkt do të vijë me një ekran LCD mini-LED në versionin 12.9 inç, i ndjekur më pas nga iPad Pro 11 inç.
Mini-LED është një formë e re e përdorur në ekranet LCD, e cila përfshin shumë nga avantazhet e OLED, ka ndriçim më të lartë, përdor në mënyrë efikase baterinë dhe ka më pak shance për të pësuar djegie.
Design-i besohet të jetë i njejtë me iPad Pro paraardhës, kështu që ndryshimi më i madh do të jetë ekrani dhe një proçesor të ri A14 për performancë më të mirë.
