Me gjithë ç’po dëgjojmë këto kohë as kjo nuk na çudit më. Mark Zuckerberg dëshiron që vendin e punës t’a zëvendësojë me VR.
Pronari i Facebook dhe njëkohësisht Oculus ka dhënë opinionin e tij mbi të ardhmen e punës në zyrë. Sipas tij, kompanive u duhet të mësohen me realitetin e ri. Atyre do u duhet të presin derisa pandemia të qetësohet dhe të kthehen edhe punëtorët në zyra, ose do zgjedhin t’i lënë në shtëpi. Zuckerberg ofron një rrugë të mesme nëpërmjet realitetit virtual. Ai beson se një vend të tillë pune mund t’a marrësh me vete ku të dëshirosh. Nuk do të kemi pse të marrim makinën mes trafikut dhe të detyrohemi të shkojmë në ndërtesën e kompanisë, mjafton të vësh syzet në orar dhe u bë!
As we think through supercharging remote work and productivity, we’ve been working on mixed reality concepts that builds on existing technologies like Passthrough to allow people to switch between real and virtual worlds pic.twitter.com/cJCEXDxC7b
— Boz (@boztank) May 21, 2020
Në një intervistë për The Independent ai ka thënë se “Ne duhet të teleportojmë dhe jo të transportojmë veten në punë.”
Pa patur nevojë të shkojmë në punë apo të kushtëzohemi nga një zyrë shtëpie, aparati i VR do të mbajë gjithçka duhet, në të do të mund të shtohen sa ekrane të jetë nevoja për tryezën e me dëshirë edhe një televizor për lajmet në sfond. Të gjitha këto jo për një blerje disa shifrore por për një opsion të shkarkuar në ndërfaqje.
Të paktën gjysma e punëtorëve të Facebook do të punojë nga larg në dekadën e ardhshme sipas Zuckerberg. Qëllimi do të arrihet në 5 apo 10 vjet.
Liderët e bizneseve dhe kompanive duhet të mendojnë për alternativa të reja të organizimit të punonjësve. Pandemia me shumë gjasa do të jetë mes nesh me vite të tëra, realiteti virtual duket mjaft tërheqës. Megjithëse ky koncept nuk prezantohet tani nga Facebook, krijimi i një platforme me avatarët personalë ka qenë një investim i vazhdueshëm i saj. Gjithçka duhej për ta bërë atë të referueshme është një arsye e fortë që njerzit të mos dalin nga shtëpia.
Mark? Mos je gjë profet?
