Me sa duket Apple po konsideron rikthimin e logos ikonike të ndriçuar të mollës në modelet e ardhshme të MacBook, duke parë zhvillimet më të reja të patentimeve.
Në të shkuarën ju mund t’i shikonit në kafene logot e ndriçuara të Apple në kapakët e laptopëve Mac të lançuara në fillimet e viteve 2000, mirëpo largimi i shërbimit në 2015 duket se do të jetë për një afat shumë të shkurtër.
Në maj të këtij viti Apple ka aplikuar në U.S Patent and Trademark Office për një patentim të ri që përmbledh implementime të ndryshme të “pajisjeve elektronike me struktura të ndriçuara pjesërisht pasqyruese”, mirëpo nga shembujt e ilustruar nuk mund të kuptohet dhe aq mirë se cili është plani i Apple.
Patently Apple, e cila zbuloi për herë të parë prezencën e dokumentit, tregon se 3 nga inxhinierët e listuar në këtë aplikim për patentim iu bashkuan kompanisë në 2018, 3 vite pas mospërfshirjes së këtij shërbimi në laptopë. Pritet që ato të përdorin një metodë të re për realizimin e ndriçimit.
Laptopi i parë Max që përdori një logo të ndriçuar ishte Powerbook G3 i gjeneratës së tretë në vitin 1999. I vetëmi ndryshim i bërë që nga ky vit është rrotullimi i logos, në mënyrë që logoja të mos dukej mbrapsht kur laptopi hapej.
