LG ka prodhuar një TV 908 kg të rëndë që kushton $1.7 milionë

LG ka prezantuar një linjë të re në ekranet pqr kinema në shtëpi Direct View LED, të cilët fillojnë nga përmasat 108 inç HD deri në 325 inç 8K që kushton një shifër të pabesueshme prej $1.7 milionë dhe peshon mbi 900 kg. Më parë kompania i ka rezervuar këto ekrane veteëm për blerësit komercial, por tashmë do të nisë shitjen e tyre për të gjithë personat që arrijnë ta përballojnë.

Sigurisht, këto përmasa nuk mund të përshtaten në shumë shtëpi, një limitim ky që ka të bëjë me teknologjinë e ekranit që LG po përdor. Në vend të përdorimit të shtresës LCD për të krijuar pixels, kompania ka vendosur të përdorë LED dhe MicroLED.

Avantazhi i kësaj teknologjie është prania e niveleve të kontrastit më të mira se në ekranet OLED falë fikjes së plotë të pixels për të krijuar nivele më të thella të të zezës, pa rrezikun e djegies së tyre.

Shumica e ekraneve ofrohen në aspektin 16:9, mirëpo LG do të shesë gjithashtu dhe versione 32:9 nëse ju dëshironi të shikoni dy video të ndryshme njëkohësisht. Kjo “ofertë” e bën të duket televizorin e mëparshëm të rrotullueshëm prej $100,000 mjaft të leverdisshëm.