Sony do të lançojë një palë kufje të reja midrange të cilat përdorin teknologji të përfshira në kufjet WH-1000XM5 që kushtojnë $400, si përshembull proçesori V1. Ky proçesor bën të mundur që kufjet të ofrojnë cilësi të lartë të zërit si dhe active noise cancellation (ANC).
Si gjithmonë, Sony nuk lodhet shumë për të emërtuar pajisjet e reja, dhe këto kufje midrange të quajtura WH-CH720N do të lançohen me çmimin $150. Bateria e këtyre kufjeve zgjat deri në 35 orë duke përdorur ANC. Për të përmirësuar audion që vjen nga aplikacionet si Spotify, kufjet ofrojnë dhe shërbimin Digital Enhancement Engine.
Ju mund të lidhni 2 pajisje njëkohësisht me Bluetooth me kufjet tuaja. Në secilin vesh ka mikrofonë të cilët kanë si rol primar ofrimin e 20 niveleve të ndryshme noise cancellation si dhe ambient sound. Sigurisht këto opsione mund të aktivizohen nga aplikacioni Sony Headphones Connect.
Për të ulur çmimin e këtyre kufjeve, Sony nuk ka përfshirë proçesorin e dytë ANC që gjendet në modelin premium, pra eksperienca e ANC nuk do të jetë e njejtë me modelin WH-1000XM5. Megjithatë proçesori V1 duhet të bëjë një punë shumë të mirë për çmimin $150.
Kufjet do të vijnë në 3 ngjyra: të zeza, blu dhe të bardha kur të nisë shitja në pranverë.
