Lotët e njerëzve mund të jenë një burim i rëndësishëm informacioni. Me vetëm disa pika, një teknikë e re mund të gjejë një sëmundje të syve madje dhe shenjat e para të sëmundjes së diabetit.
“Ne dëshironim të demonstronim potencialin e përdorimit të lotëve për të zbuluar sëmundje të ndryshme.” tha Fei Liu, një inxhinier biomjekësor në Enzhou Medical University në Kinë. Është e mundur që pikat e lotit të hapin një horizont të ri për shkencëtarët për të parë gjendjen e përgjithshme të trupit të njeriut, madje një ditë do të bëhet e mundur që njerëzit të testojnë lotët e tyre nga shtëpia.
Njësoj si pështyma dhe urina, lotët përmbajnë qeskëza të vogla të mbushura me mesazhe qelizore. Nëse shkencëtarët arrijnë të çkodojnë këto qeska mikroskopike, atëherë ato do të ofrojnë informacione në lidhje me atë çka ndodh brenda trupit tonë. Mirëpo mbledhja e mjaftueshme e qeskave të quajtur eksozome është e vështirë. Ndryshe nga fluidët e tjerë në trup, vetëm një sasi e pakët loti prodhohet.
Pasi analizuan lotët, ekipi i shkencëtarëve zbuluan se mund të diferenconin lloje të ndryshme sëmundjesh të syve nëpërmjet lotëve. Për më tepër, lotët mund të ndihmojnë doktorët të monitorojnë progresin e sëmundjes së diabetit tek pacientët. Në të ardhmen lotët mund të përdoren gjithashtu për të studiuar sëmundje të tjera si stresi emocional apo depresioni.
