TAG Heuer sapo ka prezantuar orën më të re Mario Kart në bashkëpunim me Nintendo. Në fakt do të ketë 2 versione të ndryshme të kësaj ore në varësi të buxhetit tuaj, njëra do të kushtojë $4,300 dhe tjetra $25,000.
“A jeni gati të garoni drejt vijës së finishit?” shkruan TAG Heuer në postimin e saj në Instagram. “Ne jemi tepër të emocionuar të prezantojmë rezultatin më të ri të bashkëpunimit me Nintendo Europe: orën tonë më tëe re Tag Heuer Formul1 1 X Mario Kart Limited Edition Cronograph.”
Sigurisht që të gdhendura në pjesën e parme dhe të pasme do të jenë fjalët Mario Kart. Gjithashtu ju do të keni disa “power ups” të vogla në zonën e datës, si përshembull ylli, guaska blu dhe kërpudha. Rripi i orës është prej lëkure ngjyrë të zezë dhe me qepje të kuqe.
Versioni $25,000 ka një Mario të vogël garues, guaskën blu dhe Bullet Bill në një nga tre fushat e vogla.
Ju mund të regjistroheni deri në 17 tetor për të fituar akses të hershëm për orën më pak të shtrenjtë ose të regjistroheni për të marrë informacione të tjera mbi versionin $25,000. Regjistrimet mund të kryhen vetëm nga persona në Mbretërinë e Bashkuar, Francë, Gjermani, Australi, Spanjë, Itali, Zvicër dhe Japoni.
Kjo nuk është hera e parë që TAG Heuer bashkëpunon me Nintendo, pasi vitin e kaluar ka prezantuar një version Super Mario të orës smart Connected.
