Kim Kardashian u fotografua gjatë javës së kaluar ndërkohë që lëvizte në Los Angeles dhe u vu re se ajo po përdorte një palë kufje në ngjyrë vjollcë, që besohet të jenë Beats Fit Pro (Apple ende nuk i ka prezantuar ato).
Një burim i afërt me këtë ngjarje konfirmoi për DailyMail se këto ishin pikërisht kufjet që do të prezantohen së shpejti nga Apple. Ky version i ri i ngjason me Beats Studio Buds, të cilat “debutuan” publikisht disa javë më parë kur LeBron James i përdori gjatë stërvitjes.
Lajmet rreth Beats Fit Pro u zbuluan për herë të parë nga 9to5Mac, që raportonte se kufjet wireless do të debutonin në 11 nëntor dhe do të vinin në ngjyrat vjollcë, gri dhe të zeza. Pamjet e para të kufjeve u shfaqën në iOS 15.1 Release Candidate që u prezantua në të njejtën ditë me AirPods 3.
Apple bleu Beats Electronics në 2014 për $3 miliardë nga Dr Dre dhe Jimmy Lovine. Që nga ajo kohë Apple ka prodhuar disa produkte të ndryshme nën logon e Beats, por Beats Fit Pro do të jenë vetën gjenerata e dytë e earbuds tërësisht wireless. Ato besohet se do të vijnë me shërbimet më të mira në treg, si Active Noise Cancellation, bashkë me proçesorin H1 për lidhje të shpejtë me produktet Apple.
