Kompania suedeze Mo’ocycle ka krijuar një palë xhinse që kushtojnë $499 të cilat fryhen si një airbag brenda disa sekondash për të mbrojtur pjesën e poshtme të trupit të motoçiklistëve gjatë aksidenteve. “Airbag Jeans” janë të pajisura me dhoma të ndërrueshme që mbajnë gaz CO2 i cili çlirohet në momentin kur motoçiklisti bie nga motori i tij.
Këto xhinse ofrojnë një mënyrë të re për mbrojtjen e drejtuesve të motorëve, të cilët shpesh herë dëmtohen rëndë gjatë aksidenteve, kryesisht pasi nuk kanë masa mbrojtëse të mjaftueshme.
Kompania tregon se xhinset janë po aq të rehatshme sa të gjitha xhinset e tjera, janë rezistente ndaj ujit dhe shumë rezistente ndaj konsumimit apo gërvishtjeve.
“Para aktivizimit airbag-u është tërësisht i padukshëm, por fryhet brenda disa milisekondash nga aktivizimi,” tregon Mo’ocycle në website-in e saj. Xhinset janë të dizenjuara që të aktivizohen në momentin kur drejtuesi i motorit humbet plotësisht kontrollin e tij.
Airbag Jeans janë të lidhura me motorin, mirëpo sapo motoristi nis të largohet nga motori për shkak të një imapkti apo aksidenti, lidhja mes xhinseve dhe motorit shkëputet duke aktivizuar airbag-un e xhinseve. Airbag-u kërkon një forcë prej 40kg për t’u aktivizuar, prandaj nuk do të aktivizohet në raste të tjera përveç rënies nga motori.
Pas aktivizimit, xhinset shfryhen në mënyrë të ngadaltë në mënyrë që sistemi të rimbushet sërisht me CO2 dhe ju të shkoni në udhëtimin e rradhës.
