Panairi më i madh i mobilerisë në botë, Salone del Mobile 2023, do të organizohet në datat 18-23 prill. Gjatë këtij panairi do të shfaqen dizajnet më bashkëkohore, një program kulturor gjithëpërfshirës si dhe do të kemi një fokus të rritur mbi produktet e qendrueshme.
Salone del Mobile Milano 2023 do të jetë edicioni i 61-të, ku do të prezantohen produktet më inovatore dhe proçedurat më efikase të momentit.
Që të gjithë ekspozuesit do të zhvendosen nga tendat e larta në ato më të ulëta, për ta bërë vizitën më të lehtë, më të mirë dhe më të pëlqyeshme, në formën e një unaze. Në këtë event do të jenë të pranishëm 62 ekspozues, duke përfshirë këtu dhe mbi 550 njerëz të rinj nën moshën 35 vjeç që vijnë nga 27 shkolla të ndryshme dizenjimi. Salone del Mobile do të krijojë disa “botë të ndryshme”, duke përfshirë këtu International Furnishing Accessories Exhibition, Salone Internazionale del Mobile, Workplace3.0, S.Project, Euroluce dhe SaloneSatellite.
Në panair do të ndiqen gjithashtu disa rregulla të caktuara, duke përfshirë këtu shtrirjen në një nivel të produkteve, krijimin e rrugëve të ndryshme estetike apo kulturore si dhe zona të tjera relaksimi. Pjesëmarrësit do të këshillohen gjithashtu që të marrin pjesë në konferenca të ndryshme.
Një tjetër qëllim i këtij eventi është që të rrisë fokusin mbi përgjegjësitë që ne kemi mbi krijimin e produkteve miqësore ndaj ambientit si dhe ekonomike. Gjatë këtij viti Salone del Mobile Milano ka nisur proçedurat për identifikimin e furnizuesve që përdorin materiale të ricikluara për prodhimin e produkteve të ndryshme.
Article by Brenton Benja
