Apple lajmëroi se gjatë dative 6-10 qershor do të organizojë eventin WWDC 2022, dhe fansat e kompanisë mezi po presin të njihen me produktet e reja. Më poshtë ne do të tregojmë se çfarë pritet të prezantohet nga Apple gjatë këtij eventi.
iOS 16
Apple ka arritur të ruajë mjaft mirë “sekretet” rreth iOS 16, megjithatë analistët po spekulojnë për praninë e disa ndryshimeve të reja në këtë version të ri. Kryesisht do të ketë disa ndryshime në ndërfaqje për shkak të largimit të notch-it dhe vendosjes së një prerje të rrumbullakët. Megjithatë pritet që të vijnë dhe shërbime të reja si Car Crash Detection apo Emergency Satellite Features, ku ju do të jeni në gjendje të dërgoni mesazhe në zona ku nuk ka valë.
Modelet e iPhone-ve që do të update-ohen në iOS 16 mund të jenë: seria e iPhone 14, iPhone SE 2 dhe SE 3, iPhone 13, 13 mini, 13 Pro, dhe 13 Pro Max, iPhone 12, 12 mini, 12 Pro, dhe 12 Pro Max, iPhone 11, 11 Pro, and 11 Pro Max, iPhone Xs, Xs Max, and XR, iPhone 8, 8 Plus, dhe iPhone X, iPhone 7 dhe 7 Plus.
watchOS 9
watchOS 9 nuk pritet të vijë me shumë ndryshime, ku fokusi kryesor do të mbetet fitnessi dhe shëndeti. Të gjithë Apple Watch nga Seria 3 dhe më të reja do të mund të update-ohen në watchOS 9
Dhe produktet e tjera do të rifreskohen me versione të reja OS, si iPadOS 16, macOS 13 (që mund të quhet macOS Mammoth), tvOS 16 dhe homeOS i ri për HomePod Mini.
Mac Pro
Prej disa kohësh është bërë e ditur se Apple po punon për një Mac Pro shumë më të përmirësuar, i cili do të përfitojë prej proçesorëve më të rinj të kompanisë.
AR/VR Headset
Ky headset ka qenë në zhvillim e sipër për shumë vite nga Apple. Megjithtë prezantimi i këtij produkti gjatë WWDC 2022 është disi i dyshimtë, por ky do të ishte momenti perfekt për prezantimin e një produkti të tillë, duke parë dhe avancimet e fundit të teknologjisë si metaverse.
