Këtë vit Google I/O ishte i tejmbushur me lajme interesante. Ne mësuam më tepër rreth AI, Android dhe hardware-ve të rinj Pixel. Më poshtë do të listojmë produktet më interesante të prezantuara.
Pixel 6A
Pixel 6A do të kushtojë $449, dhe siç bëhej e ditur nga raportimet e mëparshme, proçesori Tensor do të fuqizojë këtë pajisje. Ndryshimi kryesor mes Pixel 6A dhe Pixel 6 / 6 Pro është përfshirja e kamerave 12MP në vend të atyre 50MP, si dhe ekrani me refresh rate 60Hz.
Pixel Watch
Më në fund pas shumë leaks, kompania ka prezantuar zyrtarisht Pixel Watch, me ekran të rrumbullakët dhe sistem operativ Wear OS 3. Kjo pajisje do të lançohet në vjeshtë së bashku me serinë Pixel 7, dhe atëherë do të bëhen të ditura dhe informacionet e tjera si çmimi.
Pixel 7
Ndryshe nga herët e tjera, Google ka vendosur të sjellë pamjet e para të Google Pixel 7 shumë më herët. Përmes disa renders-ave tregohen disa ndryshime të vogla në dizajnin e pajisjeve dhe ngjyrat e reja të tyre. Për informacione të tjera do të duhet të presim deri në vjeshtë.
Pixel Buds Pro
Pixel Buds Pro do të kushtojnë $199, do të ofrojnë active noise cancellation dhe 7 orë luajtje të pandërprerë ndërkohë që e përdorni këtë shërbim. Mbetet për t’u parë se sa do të arrijnë të rivalizojnë konkurentin kryesor AirPods Pro të Apple.
Tablet i fuqizuar nga proçesori Tensor
Gjatë këtij eventi Google prezantoi planet për lançimin e një tableti Android të fuqizuar nga proçesori Tensor. Ky është dhe i vetmi informacion zyrtar rreth këtij tableti.
Gjithashtu Google lajmëroi të gjithë ndjekësit se po vazhdon punën për të krijuar AR Glasses që do të bëjnë përkthim në kohë reale gjatë bisedës, po rrit inteligjencën artificiale dhe po përmirëson privatësinë e përdoruesve.
