Inxhinierët kanë prezantuar këpucët e reja të cilat mendohet se janë më të shpejtat në botë. Ato janë të dizenjuara me 8 rrota të vogla të cilat rrisin shpejtësinë e ecjes me 250%. Të quajtura Moonwalkers, aksesorët lidhen rreth këpucëve tuaja dhe ju bëjnë të ecni më shpejt përmes motorëve elektrik që fuqizojnë rrotat.
Ky produkt është dizenjuar nga një ekip inxhinierësh robotik në Shift Robotics, të cilët e konceptuan këtë ide kur themeluesi nisi të vinte në punë në këmbë (pasi një ditë pothuajse u aksidentua nga një makinë duke shkuar në punë me scooter), dhe kuptoi se si këpucët e motorizuara mund të shkurtonin shumë rrugën e tij të përditshme.
Nëpërmjet tyre, shpejtësia e ecjes rritet nga 5km/h në 11.2km/h. Ekipi i inxhinierëve e reklamon këtë produkt për “të gjithë personat që kanë nevojë për shpejtësi dhe i shikojnë Moonwalkers si të ardhmen e ecjes”. Moonwalkers do të kushtojnë $1,399.
“Formula sekrete” e këtij produkti qëndron në algoritmet unike machine learning që i përshtaten ecjes së përdoruesit. “Jo vetëm që kjo zgjidhje është e sigurt, por është gjithashtu pjesë e asaj që ne jemi.” tha Xunjie Zhang.
Qelizat e baterisë që gjenden brenda Moonwalkers karikohen brenda 1 ore e 30 minutash dhe mund të përdoren për më tepër se 9.6km.
