Përgjatë seancës së parë publike të diskutimit në lidhje me objektet fluturuese të paidentifikuara, Dr. Sean Kirkpatrick pranoi prezencën e tyre në vende të ndryshme në mbarë botën, duke theksuar lëvizjet e tyre intriguese.
Në këtë seancë publike u zhvilluan diskutime midis panelit të shkencëtarëve dhe ekspertëve të pavarur të NASA në lidhje me përpjekjet për të larguar stigmën rreth studimeve mbi UFO-t dhe prezencën e mundshme të tyre në sistemin tonë diellor.
NASA dhe Pentagon treguan se ishin të gatshëm për të bashkëpunuar në rastet top-sekrete në lidhje me UFO, dhe AARO po planifikon që të prodhojë sensorë të dedikuar për të kapur lëvizjen e këtyre objekteve të paidentifikuara.
Objektiva kryesore e këtij paneli ishte që të përcaktonte rolin e NASA në kuptimin më të mirë të UFO-ve. Deri më tani grumbullimi i të dhënave është cilësuar si i fragmentuar dhe se ka nevojë që agjencia hapësinore të bashkëpunojë dhe të kalibrohet më tepër për qëllime studimore. Disa anëtarë sugjeruan që NASA të krijojë një hapësirë të veçantë në zyrat e saj për të mbështetur studimin e UFO-ve.
Vendimi për një bashkëpunim midis Pentagon dhe NASA shënon kështu dhe një ndryshim të qëndrimit publik të qeverisë amerikane për sa i përket kësaj çështjeje. Astrobiologu David Grinspoon sugjeroi se studimi aktual i NASA në kërkimin e jetës jashtëtokësore mund të ndihmojë në studimin e UFO-ve lokalë si dhe të zbulojë gakte që mbështesin prezencën e këtyre objekteve në sistemin tonë diellor.
