Epoka e inteligjencës artificiale sapo ka filluar të zgjerohet, dhe tashmë kjo teknologji ka nisur të përdoret si një mjet për zbulimin e hershëm të kancerit të gjirit.
Shumë qendra imazherie në SHBA kanë nisur të përdorin një lloj AI të quajtur CAD (computer-assisted detection), i cili ndihmon profesionistët të në zbulimin e kancerit të gjirit në një shkallë më të lartë se mamografia. Një studim ka treguar se një në 8 raste të kancerit të gjirit nuk arrihet të zbulohet nëpërmjet mamografisë.
“Avantazhi më i madh i AI është përshpejtimi i leximit të mamografisë nga radiologët, në mënyrë që ata të shikojnë më tepër mamografi për një periudhë kohore të caktuar.” tha Dr. Larry Norton, mjek drejtues në Lauder Breast Center.
Pacientët i nënshtrohen një mamografie tipike me rreze X për gjirin, më pas rezultatet nisin të skanohen disa herë të tjera nga kompjuterat duke regjistruar zonat me rrezik potencial për zhvillimin e kancerit. Studimet tregojnë se CAD ndihmon në vlerësimin e imazheve dhe shfaq zonat me risk më të lartë që mund të mos shikohen nga radiologët. Kur mamografia ka një kualitet të dobët, CAD këshillon mjekun që ta ribëjë dhe një herë këtë test.
“Kjo gjë ka ndryshuar vlerën e mamografisë.” tha Dr. Constance Lehman, radiologe në Massachusetts General Hospital.
Është e rëndësishme që femrat të kryejnë rregullisht mamografi për zbulimin e kancerit të gjirit duke nisur nga mosha 50 vjeçare.
