Dhp Technology prodhon çati diellore të palosshme dhe tani ato do të ndërtohen mbi 45 stacione pushimi, ku energjia e gjeneruar prej tyre do të shfrytëzohen për karikimin e makinave elektrike.
Startup zviceran Dhp Technology është pjesë e konsorciumit ABCD-Horizon, i cili përfshin kompaninë zvicerane të energjisë Aventron, BG Consulting Engineers dhe Cargo Sous Terrain. Konsorciumi po e nis këtë projekt në Valais dhe Bernë të Zvicrës.
Çatia diellore e palosshme e Dhp quhet HORIZON, dhe mekanizmi i saj i patentuar shpaloset ose tërhiqet automatikisht nën një strukturë mbështetëse, si një fizarmonikë gjigante, në varësi të motit. Kjo është veçanërisht e dobishme në vendet ku bien reshje të mëdha bore. Kur të pushojë bora, ato mund të hapen përsëri.
Konstruksioni i lehtë (pa xham) i HORIZON-it bën të mundur që strukturat e tij të kenë distanca të gjera ndërmjet shtyllave mbështetësve, kështu që asnjë vend parkimi nuk sakrifikohet. Ato mund të ngrihen në lartësi deri në 6 metra, që do të thotë se automjete të mëdha si Tesla Semis mund të vendosen poshtë tyre – dhe kjo i bën ato ideale për ndalesat e pushimit në autostradë.
Energjia elektrike nga këto 45 çati diellore të palosshme HORIZON do të përdoret kryesisht për infrastrukturën e karikimit të EV. Aventron thotë se energjia mund të rrjedhë ose në pikat ekzistuese të karikimit në zonat e pushimit ose të ruhet në bateri. Teprica e energjisë elektrike do të futet në rrjet dhe do t’u shitet tre aksionerëve kryesorë të Aventron, si dhe Cargo Sous Terrain. 45 çatitë diellore të palosshme do të krijojnë 35MW energji të pastër. Kjo është e barabartë me furnizimin e rreth 7,800 familjeve me një konsum mesatar të energjisë elektrike prej 4,500 kilovat orë në vit.
Puna e ndërtimit në këto sisteme PV të palosshme pritet të fillojë vitin e ardhshëm dhe pritet të përfundojë në vitin 2027.
