Neuralink i Elon Musk nuk do të testojë teknologjinë e saj në njerëz gjatë këtyre kohëve, pasi US Food and Drug Administration (FDA) ka refuzuar kërkesën e kompanisë. Agjencia ka shprehur me dhjetëra probleme që kompania duhet të adresojë para se të nisë testimin tek njerëzit, siç është treguar nga zëdhënësit e kompanisë për Reuters.
Shqetësimet përfshijnë përdorimin e baterisë me litium, lëvizjen e fijeve të vogla të pajisjes në zona të tjera të trurit apo si mund të arrihet heqja e një pajisje të tillë pa dëmtuar trurin. Musk aplikoi për marrjen e lejes së testimit nga FDA më herët në vitin 2022, madje tregoi në nëntor se kompania ishte gati të niste testimin brenda 6 muajsh.
Gjatë muajve të fundit kompania është kritikuar shumë nga aktivistët e të drejtave të kafshëve dhe ish-punonjës të ndryshëm të cilët kanë raportuar keqtrajtimin e majmunëve të cilët janë përdorur për të testuar teknologjinë e re.
Implanti përfshin disa fije të ndryshme që mbajnë elektroda, të cilat fiksohen në kokën e përdoruesve, mirëpo FDA është e shqetësuar se këto fije mund të migrojnë në pjesë të tjera të trurit. Musk ka tentuar ta zgjidhë këtë problem, duke e testuar implantin në dhjetëra derra, por pa rezultat. Lëvizja e fijeve mund të shkaktojë një inflamacion të trurit, duke dëmtuar funksione të rëndësishme.
