Jeff Bezos dhe Bill Gates janë pjesë e një grupi miliarderësh që mbeshtesin një kompani me shpresën e ajo do të gjejë resurset e duhura për energji të pastër nën akullin që shkrihet në pjesën veriore të Groenlandës.
KoBold Metals, një startup që përdor AI për eksplorimin për minerale, ka si detyrë të kërkojë për metale dhe minerale të rralla dhe të çmuara nën akullin e Groenlandës të cilat do të përdoren për të ndërtuar makinat elektrike dhe bateritë e tyre.
“Ne besojmë se do të zbulojmë një ndër depozitat më të mëdha dhe më të rëndësishme të nikelit dhe kobalitit në botë, që mund të fuqizojmë 100 milionë makina elektrike.” tha një zëdhënës i KoBold Metals. Një ekip prej 30 personash, duke përfshirë këtu gjeologë, gjeofizikantë dhe pilotë po eksplorojnë ishullin Disko dhe Gadishullin Nuussuaq, ku mineralet dhe metalet e rralla besohet se gjenden të fshehura në kodra.
KoBold po punon me Bluejay Mining në këtë eksplorim. Këto dy ekipe në Groenlandë po përdorin AI për të zbuluar zona për të gërrmuar gjatë verës së ardhshme. Gjithasshtu, ekipi po merr mostra të ndryshme dheu dhe po përdor dronë dhe helikopterë për të zbuluar numrin e shtresave nën sipërfaqje.