Me sa duket Mark Zuckerberg nuk ka mbetur dhe aq i mahnitur nga produkti më i ri i prezantuar nga Apple, Vision Pro.
Gjatë një mbledhje me punonjësit e kompanisë, ai tregoi se pajisja e Apple nuk prezantoi asgjë të re në teknologjinë AR/VR që nuk ishte eksploruar më parë nga Meta dhe se vizioni i Vision Pro për mënyrën se si njerëzit do të përdorin këtë pajisje “nuk është ajo që Mark dëshiron”.
Ai përmendi gjithashtu faktin që produkti i Meta, Quest 3, do të vijë në treg me një çmim shumë më të lirë, vetëm $499, krahasuar me çmimin $3,499 që Apple kërkon për Vision Pro, duke bërë kështu që Meta të ketë një numër më të lartë përdoruesish.
“Unë mendoj se ky prezantim tregon në të vërtetë diferencën në vlera dhe vizion që kompanitë sjellin në treg në një mënyrë që për mua është shumë e rëndësishme.” i tha Mark Zuckerberg punonjësve që ishin mbledhur në Menlo Park. Ai shtoi se Quest është një produkt për “njerëzit që dëshirojnë të ndërveprojnë në mënyra të reja dhe të ndihen më pranë njëri-tjetrit ndërkohë që janë aktivë dhe bëjnë lëvizje të ndryshme.”
Më herët gjatë kësaj jave Mark vuri në dukje se si gjatë prezantimit të Vision Pro të gjithë personat ishin ulur në një divan dhe vetëm. “Ky mund të jetë vizioni i së ardhmes, por jo ai që unë dëshiroj,” tha Mark.
Meta ka arritur një sukses të mirë në VR gaming dhe Fitness, por nuk po arrin dot të anën më me vlerë të tregut që Apple po përpiqet të kapë përmes Vision Pro.
