2020 iku por efektet e veta do të na përndjekin edhe ca kohë. Kështu, eventi teknologjik më i madh në botë por njëkohësisht edhe nismëtari i kalendarit, CES nuk shpëtoi dot nga vaksina për fat të keq.
Gjithçka do të zhvillohet online në datat 11-14 janar, gjatë saj do të ketë lançim produktesh të reja dhe konferenca për shtyp. Pjesa më e madhe do të jetë falas për të gjithë, por do të ketë edhe kontent me pagesë. Mundësia për lidhjet tregtare dhe seancave pyetje përgjigje do të organizohen në videotelefonata prej 30 personash maksimumi, por kjo kërkon prenotim goxha kohë më përpara.
Pa e zgjatur, ja çfarë na pret në CES 2021.
Samsung
Për Koreanët ky panair është nga më të rëndësishmit, karikuar me teknologjinë më të fundit të TV, koncepte për ekrane e inovacion në kompiutim dhe smartphona.
Këtë vit pritet një zgjerim të gamës 8K nga ana e Samsung TV, e ndoshta edhe projektet e para të një televizori transparent.
Një fokus të veçantë do të marrin edhe kutitë shoqëruese të panelit TV. Përveç bashkëpunimeve me Dolby, pritet edhe lidhja me Google Assistant ose Alexa.
Sony
CES nuk ka qenë vendi ku Sony është përfshirë shumë këto kohët e fundit. Kujtojmë edicionin e shkuar, ku përveç disa detajeve mbi PS5 dhe modeleve të reja të televizorëve, asnjë lajmërim masiv nuk u bë.
Një vit nga lançimi i kufjve WF-1000XM3 mund të presim që në gjeneratën e ardhshme të kemi përfshirje të shumë të rejave si adaptive noise cancellation dhe Speak–to–Chat.
Nuk përjashtohen edhe televizotët e rinj me avancime kryesisht në audio.
LG
Consumers Electonic Show përdoret zakonisht nga LG për të paraqitur gamën e re të televizorëve gjithashtu, priten shumë modele të reja OLED. E poashtu kujdes i veçantë për sektorin e gaming.
Duke kujtuar se kompania ka qenë gjithnjë e para në zbatim teknologjish të reja si ekranet e rrotullueshëm, pritet që LG poashtu të sjellë një televizor transparent funksional.
Hisense
Në edicionin e 2020 pamë prezantimin e një televizori hibrid projektor-TV dhe një teknologji që bashkonte dy panele për kontrast të theksuar. Kësaj radhe priten më shumë ekrane lazer dhe QLED të klasit të mesëm. Kategoria OLED pritet të vuajë kësaj radhe.
TCL
Gama e televizorëve të TCL do të synojë më shumë nivelin e mesëm të konsumatorit. Ata do të synojnë të konkurojnë panelet OLED me LED më të vegjël. Priten versione të reja të serive 5 dhe 6. Poashtu konferenca për shtyp që do të qartësojë planin e kompanisë për 2021.
Panasonic
Kufjet RZ-S500W që u bënë një aternativë më e lirë ndaj WF-1000XM3 dhe AirPods Pro. Noise cancellation ishte për t’u respektuar, por cilësia audio kishte vend për përmirësim, ndaj presim një version më të balancuar kësaj here.
Televizorët nuk do të mungojnë, Panasonic, do të sjellë kalibrim HDR në varësi të dritës, dhe shumë panele OLED për buxhete të meme.
Philips
Panelet TV nuk do të mungojnë, OLED 804 ishte surpriza e edicionit të shkuar. Kësaj radhe priten më shumë qartësime për vendimet tregtare të kompanisë, duke bërë të ditur kështu cilat tregje do të marrin cilin produkt.
