IFA 2022 do të rikthehet në eventin më të madh ku do të ekspozohen risitë më të reja teknologjike gjatë datave 2-6 shtator në Berlin, Gjermani. Për shkak të pandemisë COVID-19, eventi i vitit të kaluar u anulua, ndërkohë që 2 vite më parë, prezenca në këtë event ishte shumë e limituar.
Prandaj lajmi se IFA 2022 do të rikthehet me një event ku do të jenë të pranishëm fansa të ndryshëm është me të vërtetë një lajm shumë i mirë për të gjithë personat që dëshirojnë të njihen me teknologji të reja nga kompanitë më të mëdha në botë.
Pritet që gjatë këtij viti të prezantohen produkte të rëndësishme nga LG, Samsung, Lenovo dhe Huawei. Megjithatë një mungesë e madhe në këtë event do të jetë Sony, kompani për të cilën kemi dëgjuar shumë pak rreth planeve që ka, duke konsideruar gjithashtu se kompania japoneze është tepër dominuese në tregun e TV, audios apo argëtimit.
Samsung
Samsung shpesh herë smartphone-t i prezanton gjatë eventeve të veçanta “Unpacked”, por iFA 2022 do të jetë një mundësi e mirë për të reklamuar produktet më të reja për shtëpinë si TV, audio e shumë të tjera. Raportimet e tanishme tregojnë se Samsung do të prezantojë një gamë të gjërë me produkte SmartThings, e cila është një platformë për frigoriferët smart apo lavatriçet smart.
Le të shpresojmë që kompania do të prezantojë dhe disa TV të rinj me teknologjinë micro-LED, si akssesorë për kompjutera.
LG
Moto e LG për eventin IFA 2022 do të jetë “Life, Reimagined.” dhe nga ilustrimi i posterit ne mund të kuptojmë gamën e gjerë të produkteve që priten të prezantohen nga LG gjatë këtij eventi. Në poster mund të shikojmë produkte të ndryshme si TV, frigorifer, lavatriçe, laptop, persona që luajnë video-lojra apo që kërcejnë.
Huawei
Nga ana tjetër ne nuk dimë ende shumë informacione rreth planeve që Huawei ka për eventin IFA 2022, por dimë që prej disa vitesh kompania ka qenë shumë aktive në këtë event. Pritet që Huawei të prezantojë linjën e re të smartphone-ve, së bashku me laptopë të rinj produkte të tjera ndërlidhje.
Philips
Nga Philips pritet që të shikojmë disa pajisje të reja TV dhe audio, por të veçanta do të jenë enët e kuzhinës dhe ndriçimi smart i shtëpisë.
TCL
TCL njihet për TV me çmim konkurues për cilësinë që ofron, dhe në iFA 2022 do të ketë një hapësirë më të madhe se 2500 metra katror. Kompania tregon se do të shfaqë “ekranet më të reja, soundbars dhe aksesorë smart, të shoqëruara nga produkte të ndryshme për shtëpinë dhe prototipe të reja TV”.
Asus
Nga ana tjetër Asus ka konfirmuar lançimin gjatë IFA 2022 të laptopit të palosshëm, Zenbook 17 Fold OLED. Ky laptop vjen me një monitor 17 inç që përdor teknologjinë OLED, proçesor Intel Core i7-1250U dhe 16GB RAM. Sigurisht që një kombinim kaq i mirë i specifikave nuk do të vijë me një çmim të lirë.
Honor
Honor ka konfirmuar prezencën e saj në IFA 2022, dhe me shumë mundësi do të shohim prezantimin e smartphone-ve të rinj, laptopë, tablet dhe kufje të reja nga kompania.
Qualcomm
Fjalët hapëse të IFA 2022 do të jenë nga presidenti Cristiano Amon, i cili këtë vit ka folur shpesh për teknologjinë 5G, AI dhe “intelligent edge” (kuptimin e së cilës pritet ta shohim gjatë IFA 2022).
Geek Room dhe Neptun do të jenë të pranishëm këtë vit në eventin më të madh të teknologjisë në Evropë. Mos humbisni asnjë produkt të ri, mjafton të na ndiqni në Instagram në datat 2-4 shtator.
