Të gjitha familjet e kanë nga një fëmijë i cili merret me pajisjet teknologjike të shtëpisë. Prindërit tuaj ju telefonojnë shpesh herë kur kanë një problem me televizorin apo smartphone-in e tyre. Mirëpo për të evituar disa prej këtyre telefonatave, ju mund të bëni disa organizime në smartphone-in e prindërve tuaj.
Bëni update gjithçka
Apple dhe Google prezantojnë rregullisht rifreskime të përvitshme në sistemet e tyre operative iOS dhe Android, dhe ju nuk duhet t’i anashkaloni, dhe pse në pajisjen e prindërve mund të shfaqen disa shërbime të reja që mund t’i ngatërrojnë ato.
Fshini dhe riorganizoni aplikacionet
Kaloni nga faqja në faqe dhe fshini të gjitha aplikacionet që prindërit tuaj nuk i përdorin asnjëherë. Shpesh herë ato nuk e dinë që e kanë një aplikacion të caktuar të instaluar në pajisjen e tyre.
Bëjeni ekranin më të thjeshtë për t’u përdorur
Duke shkuar në Settings, ju mund të rrisni madhësinë e tekstit për ta bërë më të lehtë shikimin. Në iOS ju mund të përdorni shërbimin Display Zoom, që e bën gjithçka në ekran pak më të madhe. Mund të aktivizoni dhe Night Mode në rast se ato e pëlqejnë.
Aktivizoni shërbimet e emergjencës dhe të shëndetit
Shtoni sëmundjet apo alergjitë e prindërve tuaj në emergency settings. Në iPhone këto mund të shënohen në Medical ID, nëse në Android në Safety & Emergency Settings.
Eleminoni burimet që keqinformojnë prindërit tuaj
Të gjitha burimet e informacionit që nuk janë të besueshme mundohuni t’i largoni nga prindërit tuaj. Zgjidhni një burim të besueshëm informacioni dhe vendoseni atë në homescreen.
Pyesni prindërit se për çfarë kanë nevojë
Një problem mund të jetë i vështirë për t’u shpjeguar në telefon, por kur jeni përballë me prindërit tuaj mund të kuptoni më lehtësisht se ku qëndron problemi
Ju mundet gjithashtu të minimizoni tentativat për të mashtruar prindërit tuaj, duke bllokuar telefonatat nga numrat e panjohur, të kontrolloni planet e abonimi dhe të përdorni parental controls.
