Në kategorinë e laptopëve “budget” mund të përfshihen të gjithë ato laptopë të cilët jo domosdoshmërisht kanë një çmim shumë të lirë, por që kanë një vlerë shumë të mirë për performancën që ofrojnë.
Disa vite më parë një laptop ekonomik që nuk sakrifikonte performancën mund të kushtonte rreth $500, mirëpo në ditët e sotme ky çmim është rritur në $600-$700. Megjithatë, gjithçka do të varet nga mënyra juaj e përdorimit.
Shumica e personave mund të mjaftohen dhe me një Chromebook, një laptop që navigon në Chrome OS, të cilët kanë zakonisht një çmim nën $500. Nëse ti je një person që në laptop zakonisht meresh me kontrollimin e emails, navigoni në web, shikoni filma ose bëni shopping online, një Chromebook do të ishte pajisja perfekte për ju. Në Chromebook ju do të keni akses në Google Play Store dhe të shkarkoni aplikacionet e krijuara për Android.
Nëse ju kërkoni për një laptop në rangun $500-$700 atëherë ju duhet të gjeni një të tillë me proçesor Intel Core i5 (jo të gjeneratës më të re), duke shmangur Intel Pentium, Celeron, Atom apo M3. Në krahun e AMD, duhet të kërkoni për një AMD Ryzen të serisë 4000 në vend të AMD Athlon.
Për të patur një performancë sa më të mirë në Windows 11 ju duhen 16GB RAM dhe 256GB storage.
Një tjetër këshillë për të blerë një laptop në çmimn më të mirë të mundshëm është ta blini një të tillë gjatë periudhave festive, ku shpesh herë ka ulje të çmimeve. Ndodh që ju të kurseni rreth $100 në laptopin që keni dashur ta blini prej kohësh.
