August 11, 2020

Ja çfarë u tha gjatë seancës dëgjimore të Amazon, Facebook, Apple dhe Google

Vlerëso këtë lajm
(2 votes)
Ja çfarë u tha gjatë seancës dëgjimore të Amazon, Facebook, Apple dhe Google

Gjyqet nuk janë ndonjë gjë e re për gjigandët e teknologjisë, së fundmi Amazon, Apple, Facebook dhe Google akuzohen për abuzim me pushtetin e tyre mbi konkurrencën.
Ja 5 momentet kyç të seancës:

1. Emailet e Mark Zuckerbergut

Si pjesë e dëgjimit, janë publikuar emaile mes shefit të financës të Facebook David Ebersman dhe Markut. Në njërën prej tyre Zuckerberg thotë "Këto biznese lindin, por rrjeti është krijuar, firma që tani ka vlerë, dhe nëse rriten në një shkallë të lartë mund të jenë vërtetë përçarës për ne.. jam kurioz të di nëse duhet të konsiderojmë t'i shkojmë pas njërës apo dyve prej tyre."
Mes të tjerash Marku shpreh avantazhin e tyre mbi konkurrentët e rinj të cilët shpesh mund thjesht të blihen.

_113750023_zuckmail-nc.png

 

Por sidoqoftë ai i ka mohuar pretendimet se Instagram u ble për të shmangur konkurencën, por në vend të kësaj ka dashur të përmirësojë shërbimet e Facebook.

2. Apple mbron 30% e tij

Akuzat kësaj radhe i drejtohen App Store dhe faktit që Apple shpesh ndërron tarifën e pranimit për kompani më prestigjoze ndërsa për zhvilluesit e tjerë mban 30%.
"Ne trajtojmë secilin zhvillues njësoj" u shpreh Tim Cook. Por emailet mes tyre dhe Jeff Bezos ilustrojnë se Apple ka pranuar të përgjysmojë tarifën për të marrë Amazon Prime Video në platformën e tyre.
Në prill 2020 Apple ka prezantuar një skemë e cila lejon platformat video streaming të shmangin tarifën 30% nëse integrojnë produkte të tjera Apple në të, Amazon ka përfituar nga kjo marrveshje.

_113750930_appleemail-nc.png

 

3. Gjigandët tech akuzohen për anësi

Disa Republikanë kanë hedhur akuza për mbajtje ane nga rrjetet sociale. Ndër to Mark Zuckerberg u pyet pse Twitter kishte hequr një postim nga i biri i Presidentit Donald Trump Jr, i cili diskutonte efikasitetin e hydroxychloroquine.
"Mendoj se po i referoheni asaj çka ndodhi në Twitter ndaj është e vështirë për mua të flas për këtë," u përgjigj Zuckerberg.

Akuza për favorizim të fushatës elektorale të Joe Biden erdhën në drejtim të Google.
"Keni dedikimin tim. Ne do të vazhdojmë të drejtojmë veten në një mënyre neutrale" u përgjigj CEO i Google Sundar Pichai.

4. Amazon akuzohet për shfrytëzim biznesesh.

Kompania më e madhe e shitjeve online akuzohet se ka përdorur të dhëna të bizneseve që operojnë në këtë platformë, për të projektuar mallrat e veta konkurruese me këto biznese.
Bezos u përgjigj "Çfarë mund të të them është se ne kemi një politikë kundra përdorimit të të dhënave të shitësit për të ndihmuar biznesin tonë privat, por nuk mundem të garantoj se ajo politikë nuk është shkelur asnjëherë."

Gjatë orës së parë Jeff Bezos nuk u pyet për asgjë, gjatë kësaj kohe ai u pa teksa hante karamele.

5. Google akuzohet se ka punuar me Kinën

Komisioni deklaroi se Google bashkpunon me universitetet Kineze të cilat marrin miliona e miliona nga ushtria kineze .
Pichai mohoi pretendimet se punonjësit e kompanisë po punonin kundër interesave Amerikane.
"Ne nuk po punojmë me ushtrinë Kineze. Ajo çka ne bëjmë në Kinë, krahasuar me kolegët tanë, është shumë e limituar. Puna jonë AI në Kinë është e limituar mes pak njerzve që punojnë në projekte open-source."

Të katërt më pas u pyetën nëse besonin se Qeveria Kineze po vjedh teknologji nga kompanitë amerikane.

Tim Cook tha " Nuk di ndonjë rast specifik ku të na ketë vjedhur qeveria."

Sundar Pichai u përgjigj se nuk kishte "njohuri për informacion të vjedhur nga Google në dijeninë e tij" e më pas u kujtua se kish pasur një sulm kibernetik të mirë organizuar i cili vinte nga Kina.

Zuckerberg tha "Mendoj se është e mirë dokumentuar se qeveria Kineze vjedh teknologji nga kompanitë e Shteteve të Bashkuara."

Ndërsa Jeff Bezos deklaroi se nuk kishte parë asgjë të tillë personalisht por kishte dëgjuar shumë raportime.

Friday, 31 July 2020 16:00 Last modified on Friday, 31 July 2020 18:46

Geek Room i dedikohet teknologjisë dhe të apasionuarve pas saj përmes informacioneve në
kohë reale dhe videove rreth risive më të reja.
Lidhu me stafin tonë përmes emailit në:
[email protected], [email protected]

Editorial Staff:
Brenton Bënja
Ermir Jonka
Xhonald Mamo