Një nga eventet më të mëdha të teknologjisë mobile do të rikthehet në Barcleonë në datat 28 shkurt – 3 mars me temën kryesore “Connectivity Unleashed”. “Këtë vit unë isha shumë krenar që arritëm të sillnim industrinë sërisht së bashku në Barcelonë pas kaq shumë kohësh.” tha CEO i GSMA, John Hoffman.
“Connectivity Unleashed” do të eksplorohet përmes temave të ndryshme ku përfshihen:
- CloudNet – Rrjetet do të vazhdojnë të adoptohen për të suportuar shërbimin postar, dhe sot ai konsiderohet si një çelës që do të mundësojë një transformim të gjerë në treg i cili do të arrijë vlerën $75 miliardë deri në 2026.
- 5G Connect – Në këtë temë do të eksplorohet mënyra se si ditëa e nesërme do të duket me praninë e rrjetit 5G dhe ndryshimi i modeleve të biznesit.
- Internet of Everything - Me 24 miliardë lidhje IoT që parashikohen të krijohen deri në 2025, teknologjia smart ofron mënyra të reja për riimagjinimin dhe transformimin e hapësirave fizike.
- FinTech – Ekosistemi i telefonave është faktor kryesor i fintech pasi teknologjia vazhdon të ulë barrierat dhe mundëson inovacione të reja
- Tech Horizon – Tech Horizon ka si qëllim eksplorimin se si smartphone-t po transformojnë të ardhmen tonë me inovacione që shkojnë përtej industrisë.
- Avancimi i AI – Me investimet globale që pritet të kalojnë $170 miliardë deri në 2025, linjat gjeopolitike po marrin një formë mbi përdorimin e të dhënave nga AI ku bashkëpunimi është i nevojshëm për të zhvilluar inovacione të reja.
Gjatë kësaj konference do të marrin pjesë shumë folës të ndryshëm, të cilët janë drejtues të kompanive madhore dhe që do të flasin për secilën nga temat e mësipërme:
- Prem Akkaraju, CEO, Weta Digital
- Shuky Sheffer, President dhe CEO, Amdocs
- Anne Chow, CEO, AT&T Business
- Cher Wang, kryetare dhe Acting CEO, HTC
- Mauricio Ramos, CEO, Millicom
- Pekka Lundmark, President & CEO, Nokia
- Stephane Richard, kryetar & CEO, Orange
- Jose Maria Alvarez-Pallete, kryetar & CEO, Telefonica
- Caroline Casey, themelues dhe krijues, Valuable 500
- Nick Read, CEO, Vodafone
Folësit do të bashkohen me ekspozuesit nga i gjithë ekosistemi i ndërlidhjes duke përfshirë Cisco, Deutsche Telekom, Ericsson, Google, Huawei, Intel, Nokia, Orange, Qualcomm, Samsung Electronics, Telefonica, Vodafone dhe ZTE. Për herë të parë në këtë event do të prezantohen Fisker, Fujitsu dhe LG Uplus.
Article by Xhonald Mamo
