October 18, 2021

Eventi i rradhës nga Apple do të organizohet në datën 18 tetor, përgatituni për Macbook të rinj

Eventi i rradhës nga Apple do të organizohet në datën 18 tetor, përgatituni për Macbook të rinj

Eventi i ardhshëm i Apple do të organizohet në datën 18 tetor, sipasi ftesave të dërguara nga kompania ditën e sotme. Fjala e vetme e shkruar në këto ftesa është: Unleashed. Kjo gjë u bë e ditur përmes një tweet-i nga drejtuesi i marketingut Greg Joswiak, dhe font-i në formën e pikave mund të tregojë për praninë e teknologjisë mini LED.

Ky event special do të transmetohet live në apple.com në orën 19:00 të pasdites. Produktet që mund të prezantohen gjatë këtij eventi janë MacBooks të rinj, një Mac Mini i ridizenjuar dhe me shumë mundësi gjenerata e 3-të e AirPods.

 

 

Prej disa muajsh në internet qarkullonin raportime se Apple ishte shumë pranë prezantimit të modeleve të reja 14 dhe 16 inç të MacBook Pro. Këto modele do të jenë hapi i fundit i tranzicionit të Apple nga përdorimi i proçesorëve Intel në përdorimin e proçesorëve të dizenjuar nga vetë kompania. Versioni i ri i këtij proçesori do të quhet M1X dhe do të zëvëndësojë proçesorin M1 që u prezantua vitin e kaluar. Ai vjen me 10 CPU cores dhe proçesorë grafikë me 16 ose 32 cores.

Një tjetër shërbim që mund të rikthehet në MacBooks të rinj është MagSafe charging, bashkë me një portë HDMI dhe SD card slot.

Raportimet tregojnë gjithashtu se proçesori i ri do të përdoret dhe në versionin e ridizenjuar të Mac Mini, i cili do të vijë me 4 porta USB-C dhe 2 USB-A.

Për sa i përket gjeneratës së 3-tëAirPods që pritet të prezantohen në këtë event, besohet se do të adoptojnë një dizajn të ngjashëm me AirPods Pro, me strukturë të vogël dhe kasë karikimi të ridizenjuar.

Tuesday, 12 October 2021 19:43 Last modified on Tuesday, 12 October 2021 19:48

Geek Room i dedikohet teknologjisë dhe të apasionuarve pas saj përmes informacioneve në
kohë reale dhe videove rreth risive më të reja.
Lidhu me stafin tonë përmes emailit në:
[email protected], [email protected]

Editorial Staff:
Brenton Bënja
Bekim Haveriku 
Xhonald Mamo