August 06, 2021

Startup-i i taksive ajrore Archer prezanton një mjet fluturues të vogël elektrik

Startup-i i taksive ajrore Archer prezanton një mjet fluturues të vogël elektrik

Archer Aviation, një startup i bazuar në Santa Clara, prezantoi një mjet fluturues elektrik ditën e enjte, i cili do të shërbejë si një taksi ajrore në të ardhmen duke evituar trafikun në rugë. Mirëpo si pjesa më e madhe e këtyre startups, kompania nuk ka demonstruar ende një mjet në fluturim.

Mjeti fluturues do të ketë emrin Maker dhe është i përbërë nga 12 helika. Ai peshon rreth 1,500 kg dhe duket si të ishte një hibrid midis helikopterit dhe avionit. Autonomia e këtij mjeti do të jetë 96 kilometra falë baterisë 75kWh, ndërkohë që shpejtësia maksimale arrin në 241 km/h. Një tjetër avantazh i këtij mjeti fluturues 2 vendësh është se kur ai ndodhet në lartësinë 60 metra nga sipërfaqja e tokës ka një zhurmë 100 herë më të ulët krahasuar me një helikopter normal, vetëm 45 decibel - aq sa një zog i zhurmshëm.

Qëllimi i Maker është të funksionojë si një vepër kryesore e cila do të shtyjë më tej avancimin e teknologjisë në këtë drejtim. Maker nuk mund të quhet akoma i suksesshëm pa kryer më parë një fluturimtë suksesshëm. Në planet e kompanisë për vitin 2024 është prodhimi i një mjeti të ngjashëm 5 vendësh i cili do të shërbejë si një mjet transportues.

Sunday, 13 June 2021 01:19

Geek Room i dedikohet teknologjisë dhe të apasionuarve pas saj përmes informacioneve në
kohë reale dhe videove rreth risive më të reja.
Lidhu me stafin tonë përmes emailit në:
[email protected], [email protected]

Editorial Staff:
Brenton Bënja
Bekim Haveriku 
Xhonald Mamo