May 18, 2021

NASA zgjedh SpaceX për ndërtimin e anijes kozmike që do të ulet në Hënë me astronautë

NASA zgjedh SpaceX për ndërtimin e anijes kozmike që do të ulet në Hënë me astronautë

NASA ka zgjedhur kompaninë e Elon Musk, SpaceX, për të ndërtuar një anije kozmike që do të përdoret nga astronautët për t’u ulur në Hënë.

SpaceX mundi konkurrentë si Blue Origin që është nën pronësinë e Jeff Bezos për të fituar kontratën $2.9 miliardë, dhe pse fillimisht mendohej kontraktimi i dy kompanive sipas dokumenteve të publikuara nga Washington Post. Oferta e SpaceX ishte më e ulëta midis të gjithë ofruesve me një diferencë të konsiderueshme.

Programi Artemis i NASA po përgatitet për misionin e rradhës së uljes në Hënë dhe në dokumentat e saj tregohet se SpaceX ishte kompania e duhur për përmbushjen e detyrave pasi ofrojnë hapësirë shumë të madhe për ngarkesat dhe mundësinë e ripërdorimit të anijes kozmike Starship.

Ky program për herë të parë u nis nga ish-presidenti Donald Trump, i cili synonte rikthimin në Hënë deri në vitin 2024, por për momentin afatet kohore të saj po rishikohen nga administrata Biden.

Fitorja e SpaceX mund të ndihmojë Elon Musk në misionin e tij për eksplorimin e hapësirës dhe uljen e njerëzve në një planet tjeter.

Friday, 16 April 2021 23:57 Last modified on Saturday, 17 April 2021 19:28

Geek Room i dedikohet teknologjisë dhe të apasionuarve pas saj përmes informacioneve në
kohë reale dhe videove rreth risive më të reja.
Lidhu me stafin tonë përmes emailit në:
[email protected], [email protected]

Editorial Staff:
Brenton Bënja
Bekim Haveriku 
Xhonald Mamo