Proçesori i prodhuar nga vetë Apple është këtu dhe quhet M1. Gjenerata e parë e cila do të fuqizojë Mac-ët e kompanisë. 

Njejtë si iPhone edhe ky përdor arkitekturën 5nm. Do të gjendet tek MacBook Air, Mac Mini dhe MacBook Pro e do të ofrojë jetgjatësinë e baterisë më të madhe ndonjëherë në një laptop Apple.

CPU me 8 bërthama do të kombinojë raportin më të mirë performancë për watt në një laptop. Performanca më e mirë me çerekun e energjisë së kërkuar. 

Grafika i besohet 8 bërthamave të tjera, bashkë me to M1 do të ketë një Neural Engine 16-core me arkitekturë universale. 

Në praktikë, MacBook Air i ri do të rezistojë 18 orë shfaqje videosh me vetëm një karikim, dhe 15 orë navigim në internet. Gjithashtu ai nuk ka nevojë për ventilatorë ndaj duhet të punojë fare heshtur.

MacBook Pro nga ana tjetër ofron 17 orë navigim dhe 20 orë video playback. 

Sipas Apple, me këtë proçesor një Mac do të zgjohet nga modaliteti sleep njejtë si një iPhone edhe nëse është duke proçesuar programe 3D apo video 4K.

E në përfundim macOS Big Sur do të dalë në 12 nëntor. Me përmirësimet e reja pritet që edhe programet më të rënda të përdorura klasikisht në laptopët e Apple do të punojnë nga 5 deri në 10 herë më shpejtë.