Krijuesi i motorit të kërkimit Neeva, Sridhar Ramaswamy i cili ka punuar me Google për 16 vite në sektorin e reklamave, tregoi se ky sektor ka nisur të shfrytëzojë të dhënat e njerëzve dhe ai nuk dëshironte të ishte pjesë e kësaj pune për më gjatë.
Të dhënat e njerëzve grumbullohen nga “trackers”, të cilët tregojnë për aktivitetin online të një personi, për të kategorizuar persona të ndryshëm në shfaqjen e reklamave të ndryshme.
Mirëpo Neeva është një motor kërkimi i cili i ndalon të gjithë trackers në faqje të ndryshme, duke i bërë të dhënat tuaja më të sigurta. Deri më tani ky motor kërkimi ka grumbulluar $77.5 milionë nga investitorët dhe ka qenë i disponueshëm në SHBA për 1 vit, ndërkohë që tashmë është lançuar në Britani, Francë dhe Gjermani.
Përgjatë një viti në SHBA ky motor kërkimi ka arritur të sigurojë 600,000 përdorues. Neeva ofron kërkim falas, me shërbime të tjera si password manager dhe VPN (kjo e fundit nëpërmjet abonimit). Për të përfituar nga shërbimet premium ju duhet të paguani $5 në muaj.
“Ne kuptuam se në ditët e sotme të gjithë motorët e kërkimit kanë si qëllim reklamimin dhe reklamuesit, jo eksperiencën e përdoruesit.” tha Ramaswamy.
