Në datën 6 qershorë Apple do të organizojë eventin e përvitshëm Worldwide Developers Conference 2022 (WWDC 2022), dhe këtë vit mund të ketë disa surpriza, si prezantimi i një VR Headset të ri. Për të msësuar më tepër rreth produkteve që pritet të prezantohen gjatë këtij eventi, na ndiqni më poshtë.
iOS dhe iPadOS 16 do të marrin përmirësime në njoftime
Analisti i njohur i Apple, Mark Gurman ka parashikuar se iOS 16 do të vijë me “aplikacione të freskëta të Apple”, gjë që nënkupton një pamje të re për të gjithë këto aplikacione ose prezantimin e disa aplikacioneve të reja. Një mënyrë e re e ndërveprimit do të arrihet në iOS përmes “interactive widgets”. Një tjetër shërbim që mund të vijë në iPhone pas kaq shumë kohësh është dhe always-on display.
Pritet që më update-in e iOS 16, një tjetër pajisje të largohet nga lista e smartphone-ve që do të update-ohen, dhe kësaj rradhe do të jetë iPhone 6S.
Për sa i përket iPadOS 16, Gurman tregon se priten përmirësime në multitasking, që do të ndihmojnë në përdorimin e tabletit si një pajisje zëvëndësuese të laptopit.
Versione të reja të watchOS dhe macOS
Si gjithmonë, nuk ka shumë raportime mbi watchOS, por Apple është tepër e rregullt me rifreskimet e përvitshme të Apple Watch. Kësaj here pritet të vijnë disa shërbime të reja fitness apo për shëndetin dhe disa sfonde të reja për orën tuaj, së bashku me një modalitet të ri Low-Power.
Në macOS-in e ri pritet që të prezantohet një shërbim i ngjashëm me Focus Mode në iPhone, dhe emri i ri i sistemit operativ të jetë macOS Mammoth.
2 Macs të rinj
Raportime të ndryshme tregojnë se Apple është gati të prezantojë 2 Macs të rinj gjatë WWDC 2022. Emrat kryesor që pritet të rifreskohen me një version të ri janë Mac Pro me proçesorin e Apple dhe një Mac Mini. Ka patur gjithashtu raportime se mundet të prezantohet dhe një MacBook Air i ri.
Proçesori M2 mund të prezantohet
Dhe pse Apple ka prezantuar disa modele të reja proçesorësh para pak kohësh, të gjithë ato ishin versione shtesë me bazë nga proçesori M1, që është prezantuar mbi 1 vit e gjysmë më parë, pra me shumë mundësi ka ardhur koha për një rifreskim në këtë drejtim.
Apple mund të prezantojë AR/VR Headset të ri
Ky produkt është ende me një pikëpyetje të madhe, por nuk duhet të jemi të çuditur nëse shohim një prezantim të shpejtë për AR/VR headset, pasi kohët e fundit raportimet janë shtuar. Para disa javësh, bordi drejtues i Apple i ka testuar këto pajisje, dhe kjo është një gjë që ndodh historikisht pak para se një produkt të prezantohet.
