Agjensia hapësinore amerikane lajmëroi ditën e martë se 80% e paneleve diellorë të InSight lander që ndodhet në Mars janë bllokuar nga pluhuri i grumbulluar. Ky pluhur po pengon furnizimin me energji të kësaj pajisjeje, e cila mund të çojë në përfundimin e misionit brenda vitit të ardhshëm.
NASA shpresonte se erërat e Marsit do të pastronin këto sipërfaqje dhe do të bënin të mundur grumbullimin e materialeve për studim dhe zgjatjen e misionit deri në fundin e vitit 2022. Ata tentuan të fshinin pluhurat nga InSight me anë të krahut robotik duke i përqëndruar ato në një panel me shpresën se erërat do ta pastronin. Kjo manovër arriti të siguronte një rritje në sigurimin e energjisë me 25-30 watt-hours.
Bruce Vanerdt, investiguesi kryesor i misionit InSight në Jet Propulsion Laboratory, tha në një mbledhje se për të rezervuar energji ata duhet të fikin disa instrumentë të pajisjes përkohësisht.
InSight u ul në sipërfaqjen e Marsit në 26 nëntor 2018 dhe ishte dizenjuar për të zgjatur të paktën 687 ditë në Planetin e Kuq. Ky mision mund të quhet i suksesshëm, pasi i tejkaloi parashikimet dhe më pas filloi të gjurmonte lëvizjet sizmike në Mars.
Ekipi ka parashikuar se me shumë mundësi energjia e InSight do të jetë shumë pranë përfundimit në prill të vitit 2022.
