DJI do të ekspozojë të gjithë gamën e produkteve të tij në IFA 2025, ku Geek Room dhe Neptun do të jenë të pranishëm për të informuar ndjekësit me të rejat më të fundit nga bota e teknologjisë. Një nga risitë më të veçanta është Osmo 360, kamera e parë 360° e DJI e pajisur me sensor 1-inch dhe video 8K për përmbajtje gjithëpërfshirëse me cilësi të lartë. Për krijuesit e përmbajtjeve audio, prezantohet DJI Mic 3, një mikrofon pa tela ultra i lehtë që ofron stabilitet, reduktim interferencash dhe funksione inteligjente për regjistrime profesionale.
Në segmentin e dronëve, do të mund të shikojmë nga afër Mavic 4 Pro me gimbal rrotullues 360°, Avata 2 për eksperienca të thella FPV, si dhe Air 3S, të dizajnuar për fotografi udhëtimi. Për adhuruesit e përditshmërisë, Flip dhe Neo ofrojnë gjurmim inteligjent të subjekteve, ndërsa Mini 4 Pro, me peshë nën 250 gram, i shmang pengesat rregullatore.
DJI nuk e lë pas dore as kinemanë profesionale. RS 4 Mini dhe RS 4 Pro premtojnë stabilizim të avancuar për kamera dhe smartphone, ndërsa Ronin 4D shfaqet si një platformë e integruar për prodhime filmike. Teknologjia SDR Transmission shton stabilitet dhe rezistencë ndaj interferencave, duke e vendosur transmetimin e videos në një nivel të ri.
Pas suksesit të vitit të kaluar me Power 500 dhe 1000, këtë vit kompania zgjeron portofolin me Power 2000 dhe Power 1000 V2. Këto stacione portative furnizojnë energji për shtëpi, udhëtime apo prodhime filmike dhe, në disa vende evropiane, mund të lidhen me panele diellore për kursim energjie.
Produkte të specializuara si Matrice 400, Agras T50 dhe Flycart 30 tregojnë angazhimin e DJI për industrinë, bujqësinë dhe logjistikën. Për më tepër, kompania do të organizojë workshop-e më 6 dhe 7 shtator, duke ofruar njohuri praktike për filmim dhe krijim përmbajtjeje.
Këto dhe shumë produkte të tjera inovative do të mund t’i shikoni gjatë datave 5-6 shtator në rrjetet tona sociale, kështu që na ndiqni!
